Plantun de Prouvènço

Pèr coumpara dos planto d'encò nostre

Minuartia verna & Pimpinella saxifraga

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Princineto

Pimpinella saxifraga

Apiaceae Umbelliferae

Àutri noum : Pimpinello, Erbo-de-la-pimpinello, Pèd-de-menoun.

Noms en français : Boucage saxifrage, Petit boucage.

Descripcioun :
La princineto o peréu pimpinello, de pas counfoundre emé la pimpinello Sanguisorba minor (Rosaceae), se recounèis, de primo, à si fueio divisado-penado (fotò). Es uno planto pas forço grando emé d'oumbello de flour blanco à (7)9 à 16(26) rai sènso bratèio. Lou fru èi redoun (fotò).

Usanço :
Li fru soun couneigu pèr faire veni lou la.

Port : Erbo
Taio : 0,2 à 0,6 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Pimpinella
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : 3 mm
Flourido : Estiéu

Sòu : Ca
Autour basso e auto : 0 à 2200 m
Aparado : Noun
Juliet à avoust

Liò : Roucas - Esboudèu - Tepiero seco - Bos clar
Estànci : Subremediterran à Subaupen
Couroulougi : Éurasiatico
Ref. sc. : Pimpinella saxifraga L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Minuartia verna & Pimpinella saxifraga

ges

Coumpara Lineto(-dóu-printèms) emé uno autro planto

Coumpara Princineto emé uno autro planto